لاتلفّت يالغلا ولا تنادي في/ الانام ..
وادي هرجي يابعد كل الملا دايم يسيل ..
صدق منطوق (ن) يداوي وعذب حرف (ن) في الخصام ..
ينهي عثرات التخاصم في قليبك ياثقيل ..
وينجلي ذاك الضباب /ويبتعد ذاك الغمام..
وتشرق الشمس بلهبها ويصبح العالم جميل ..
هذي احلام (ن) توالت في قلب ذاك الغلام ..
لكن الواقع مراره ودمعة (ن) بات تسيل..
عانقت قلب الكفيف وفجّرت غيض الحسام ..
واشعلت نار الفراق واحرقت ذاك [ الفتيل]..
حرف يطلع من لسانك اشبه الابالسهام ..
يخترق قلبي الضعيف ويقتل الجسم النحيل ..
فلاتزيد من الحروف ولا تعثّر هالسلام ..
ولانحاول تقترب خلّك ياهيه عابر سبيل..
يمكن جروحي تطيب وتعرف عيوني/ تنام..
ويعتدل حظ(ن) تعود دايم بعمره يميل..
وترتسم ذيك الاماني ويبتعد سرب الحمام..
وتنطلق ذيك الخيول ويصهل الكاسر صهيل ..
فلاتعيد ولاتزيد ولاتناقش في=> الحطام..
خل ماضينا يولّي ونعم بحاضر بديل..
كره قلبك للمحبه هو سبب نفي الوئام..
هذي نتيجة غلطتك دفع الثمن يبقى الرحيل ..
اتمنى تعجبكم... :iii: :iii:
